parisukat at tatsulok

mga hugis na nagsisimbolo ng aking nararamdaman.

parisukat:
isang anyo na may apat na gilid na parehong sukat. square.
mga emosyong 'di ko maintindihan.
pilit na hinahanapan ng mga posibleng kasagutan,
ano? bakit?  sino? saan? kelan? paano?
nag-iiwan lang ito ng bagabag sa aking isipan.
na tulad ng isang parisukat.

tatsulok:
isang anyo na may tatlong linyang pinagdugtong. triangle.
parang bersyon ng isang dimensyon ng Egypt pyramid.
ngunit, kahit saang aspekto ko man tingnan,
mga gilid nito ay nakakatusok... sa aking marupok na puso.
masaya. malungkot. ako yata ay naliligaw.
ang naikagaganda lang, ang tatsulok kong ito ay matatag.
mga paa ay nagsisilbing suporta. ang tuktok nito ay nakaturo sa itaas.
na para bagang inaabot--- ang kalangitan... ang walang hanggan.

nakakapanibughong emosyon ko... parisukat at tatsulok.